INAPRUBAHAN na ng Parañaque City Council ang pagpapalabas ng P200 milyong pondo para sa pagbili ng vaccines laban sa COVID-19 sakaling dumating na ito sa bansa.
Ito ang inanunsiyo ni Parañaque City Mayor Edwin L. Olivarez sa ginanap awarding ceremony ng top business taxpayers na masugid na nagbabayad ng kanilang obligasyon sa buwis.
Sinabi ni Olivarez, sa huling pagpupulong ng Metro Manila Council (MMC) nito nakaraang Linggo, napag-usapan ang pag-testing sa bakuna na nasa ikatlong yugto na ng clinical trials at naghihintay na lamang ng pinal na pag-apruba ng Department of Health (DOH) at ng World Health Organization (WHO).
Kasabay nito, inihayag na rin ni Olivarez na ang lungsod ay 97% free na sa naturang virus at ang bilang ng kaso ng COVID-19 ay patuloy na bumababa na sa kasalukuyan ay nasa 87 na lamang.
Sa kanyang talumpati sa naturang awarding ceremony kahapon (Nobyembre 9), pinasalamatan ni Olivarez ang Business Permit and Licensing Office (BPLO) na pinamumunuan ni Atty. Melanie Malaya dahil sa pagsasagawa nito ng iba’t-ibang uri ng pamamaraan para sa koleksiyon ng business tax ng hindi na kailangan pang magpunta ng mga taxpayer sa City hall. MARIVIC FERNANDEZ
Related posts:
(Sa Manila at Makati) P1 B PONDO PARA SA FREE COVID-19 VACCINES
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
PINOY KASAMA SA ‘LUMAYA’ SA CRUISE SHIP QUARANTINE
REPATS NG 140 PINOY MULA MACAU SA MARSO 11 NA
NCRPO AT DOH NAGSANIB PUWERSA VS COVID-19
4 METRO COPS TINAMAAN NG COVID-19
(PNP, LGUs pinagbabantay ng DILG) STUDES BAWAL MUNA GUMALA
Comments are closed.