QUEZON- ARESTADO ang dalawang drug suspek sa buy-bust operation na isinagawa ng Quezon Provincial Drug Enforecement Unit at sa koordinasyon sa Philippine Drug Enforcement Agency 4A sa may Purok 1,bahagi ng Brgy. Bocohan, Lucena City.
Kinilala ni Quezon Provincial Director PCOL Ledon Monte ang dalawang suspek na sina alyas “Mohamad”, 48- anyos at alyas “Babylyn,” 25-anyos na kapwa residente ng Brgy. San Fernando, Malvar, Batangas.
Nakuha sa kanilang posesyon ang limang heat sealed transparent plastic sachet na naglalaman ng shabu na tumitimbang ng humigit kumulang 165 gramo at nagkakahalaga ng P 3,366,000.00, kasama rin nakumpiska sa mga suspek isang digital weighing scale, isang sling bag at isang yunit ng MG Sedan.
Kasalukuyang nakakulong ang dalawang drug suspek at nahaharap sa mga kasong may kaugnayan sa ilang probisyon ng Republic Act No. 9165 of Comprehensive Dangerous Drugs Act of 2002. BONG RIVERA
