TATLONG big time drug personalities ang nadakip sa ikinasang drug buy bust operation ng mga operatiba ng Philippine Drug Enforcement Agency-National Capital Region (PDEA-NCR) sa isang mall sa Bicutan, Taguig.
Partikular na isinagawa ang operasyon sa basement parking ng isang mall sa Don Bosco, Parañaque City bansang alas-12:20 kahapon ng tanghali kung saan sakay ang mga suspek ng kulay itim na kotse Hyundai Accent na may plakang AQQ-2908.
Kinilala ang mga nadakip sa inilatag na anti narcotics operation ng mga ahente ng PDEA-NCRO katuwang ang Bicutan PNP na sina Guaiani Guiaman Asher , 32-anyos, ng Cagayan De Oro St, Maharlika, Taguig City; Guiani Guiaman Ariedz 29-anyos ng Block 4, Malaki Tababa Cmpd, Balintanawan, Tarlac City at Kudandin Abo Almajid ng Sultan Kudarat St. Maharlika Village.
Nakumpiska mula sa mga suspek ang tinatayang 500 gramo ng shabu na nakasilid sa anim na knot tied transparent plastic sachets ng may street value na mahigit P3.4 million.
Mahaharap ang mga suspek sa kasong paglabag sa Republic Act 9165 o Comprehensive Dangerous Drug Act of 2002. VERLIN RUIZ