CEBU CITY-DALAWANG drug dealer ang napatay sa isinagawang anti narcotics operation ng mga tauhan ng PNP-Police Regional Office 7 sa Barangay Mambaling sa lalawigang ito.
Tinatayang aabot P 30 milyon ang street value ng nasamsam na shabu sa mga suspek.
Sa ulat na nakarating sa tanggapan ni Police Regional Office 7 Director Brig. Gen. Ronnie Montejo patay sa engkuwentro sina John Kerlou Pojas at isang alyas “Ryan”.
Ayon kay Lt. Col. Regino Maramag, pinuno ng PNP-PRO7 Police Drug Enforcement Group (PDEG), unang bumunot at tinutukan ng isa sa dalawang napaslang ang kanilang poseur buyer.
“Nang tinutukan ng baril, may back-up kaagad. Tinamaan nila ang sasakyan namin at dun nagsimula ang putukan,” pahayag ni Maramag.
Nakuha ng mga awtoridad sa pag-iingat ng mga suspek ang isang kilo ng shabu subalit nang rekisahin ang sasakyang na gamit ng mga ito ay tumambad ang mahigit tatlo kilo pang shabu at ilang baril din ang nakuha sa dalawang napatay.
Nabatid na bago inilatag ang dragnet operation laban sa mga suspek ay halos isang buwan na tinitikan ng mga operatiba ang galaw ng kanilang target.
Nagsasagawa ngayon ng follow up investigation ang mga tauhan ni PRO7 Regional Director Brig. Gen. Ronnie Montejo matapos na lumabas sa kanilang initial investigation na nagmula ang shabu mula sa isang drug lord na nakakulong sa New Bilibid Prison. VERLIN RUIZ
505556 978189I see something truly fascinating about your internet website so I saved to bookmarks . 640595