CEBU CITY-AABOT sa P35 milyon ang halaga ng limang kilo ng shabu na nasabat sa magpinsan ng mga operatiba ng City Drug Enforcement Unit ng Cebu City Police Office (CCPO) nitong Sabado ng madaling araw, sa Barangay Pahina Central.
Kinilala ang mga naaresto na sina alyas Tolljay, 24-anyos, walang trabaho, residente ng Calderon St. Brgy. Ermita at pinsan nitong si alyas Dennis, 27-anyos ng Pig Vendor Brgy, Ermita, Cebu City.
Nakuha rin mula sa mga suspek ang P50,000 na buy bust money.
Aabot sa 5 kilo at 125 na gramo ng shabu ang nasabat ng awtoridad na aabot sa halagang P34.8 milyon base sa street drug price nito.
Nahaharap sa kasong paglabag sa RA 9165 ang dalawang magpinsan na kasalukuyang nakakulong sa Cebu City Police Office. EC