PINAMAMADALI na ni House Speaker Ferdinand Martin Romualdez ang P500 discount ng mga senior citizen at mga person with disabilities (PWDs) sa mga grocery store at supermarkets.
Ito ay matapos na maghain ng panukala si Ways and Means Chairman at Bicol Representative Joey Salceda na gawing P125 kada linggo o P500 kada buwan ang discount ng mga sektor na ito.
Sa kasalukuyan ay nasa P65 kada linggo ang discount ng mga senior at PWDs o P260 sa isang buwan sa mga pinamili na grocery items nila.
Ayon kay Speaker Romualdez, “kaya itong gawin agad kahit next month dahil isang memorandum circular lang naman ng Department of Trade and Industry o DTI ang kailangan para ibaba sa lahat ng grocery stores at supermarkets”.
Sa isang panayam sinabi naman ni DTI Asec. Amanda Nograles na inaayos na nila ang isang Inter-Agency Committee circular para maisakatuparan agad ang kagustuhan ng house leader na P500 discount kada buwan sa grocery items ng senior citizens at PWDs.
Bukod kasi sa DTI kabilang sa inter-agency committee na ito ay ang Department of Health (DOH), Department of Agriculture (DA), Department of Transportation (DOTr) at Department of Energy (DOE).
“Aside sa P125 discount, pinatitingnan ko na rin kay Cong. Salceda kung ano pa ang pwedeng maibibigay na tulong sa mga seniors at PWDs natin na kakarampot lang naman ang pensyon ng karamihan”, ayon sa lider ng house.
Related posts:
ROMUALDEZ, APRUB SA BODYCAM NG AIRPORT SECURITY
ROMUALDEZ, NABAHALA SA PAGSARA NG KUWAIT NG BORDER SA MGA PILIPINO
ROMUALDEZ, NANAWAGAN NG MAPAYAPANG BSKE
ROMUALDEZ, PLANO NG KONGRESO ANG MAS MATAPANG NA AKSYON SA WPS
PAGPAPATUPAD NG JEEPNEY MODERNIZATION PROGRAM HINILING NA PALAWIGIN PA
SPEAKER ROMUALDEZ: MAHARLIKA FUND MAKATUTULONG PARA MATIYAK ANG MAAYOS NA SUPLAY NG KORYENTE
SIKAT NA ESTABLISIMYENTO KINALAMPAG NI HS ROMUALDEZ SA DISKWENTO NG SENIORS
ROMUALDEZ, TINGOG SANIB-PUWERSA SA PAGTULONG SA MGA BIKTIMA NG PAGBAHA SA DAVAO