P6,500- P260,000 PRESYO NG TICKETS SA PACQUIAO-MATTHYSSE FIGHT

MAY kamahalan ang tickets para sa title duel ni Manny Pacquiao kay Argentine world champion Lucas Matthysse sa Hul­yo 15.

Ang general admission tickets sa welterweight world-title showdown ay nagkakahalaga ng $125 (tinatayang P6,500), habang ang premium seats ay $5000 (P260,000).

Ang iba pang ticket prices ay $2,000, $1,000, $500, $350 at $250.

Ang pagbebenta ng tickets sa laban sa 16,000-seat Axiata Arena sa Kuala Lumpur ay sisimulan sa Miyerkoles. Ang website MyTicket.asia ang exclusive distributor.

Si Pacquiao, ang tanging 8-division world champion, ang promoter ng  fight sa pamamagitan ng kanyang  MPKL company.

“I am excited. The fans are excited. Malaysia is ready. Let’s get on with this fight,” wika ni Pacquiao, na nakagawa na ng 14 rounds ng sparring sa ilalim ng pangangasiwa ni chief trainer Buboy Fernandez.