PAMPANGA- TINATAYANG nasa P700,000 halaga ng shabu ang nasamsam sa buy-bust operation sa Sitio Caldera Brgy. Madapdap, Mabalacat City.
Sa report na tinanggap ni PNP Regional Director PBGEN Matthew P Baccay, kinilala ang suspek na si Alexis Morete, 43-anyos, residente sa nabanggit na lugar.
Nakuha mula sa suspek ang 105 na gramo ng shabu na nagkakahalaga ng P714,000.
Narekober kanya ang isang yunit ng cellphone, at isang itim na pouch at marked money.
Samantala, paglabag sa Section 5 and 11, Article II of RA 9165 ang kakaharapin ng suspek.
Thony Arcenal