CAMARINES SUR- ARESTADO ang tatlo katao kasabay ng pagkakakumpiska ng P8.2 milyong halaga ng shabu sa isinagawang buy bust operation sa C5, Barangay Mabolo, Naga City.
Batay sa report ng Naga City Police Office (NCPO) ang mga suspek ay kinilalang sina John Carlo Paycana, 22-anyos; Jamel Daligdig, 24-anyos; at Sobranel Paycana, 39-anyos, pawang mga residente ng B5 L34 PH1 Lakeside East Banay banay Cabuyao, Laguna.
Ayon sa NCPO, naaktuhan ng mga awtoridad ang mga suspek na nagbebenta ng iligal na droga matapos na makumpiska mula kay Daligdig ang labing-isang piraso ng knot tied transparent plastic sachet ng shabu habang nakuha naman ang tig-isang piraso ng heat sealed transparent plastic sachet ng shabu kila Sobranel at John Carlo.
Sa inisyal na imbestigasyon pa ng mga awtoridad, ang mga nakumpiskang iligal na droga ay tumitimbang ng 1,210 gramo na nagkakahalaga ng P8,228,000.
Sa ngayon, nasa kustodiya na ng mga awtoridad ang mga naturang suspek para sa kasong isasampa laban sa mga ito. EVELYN GARCIA
