BULACAN- TINATAYANG aabot sa P 9.6 milyong halaga ng Marijuana ang nakumpiska ng mga pulis sa isinagawang buy bust operation sa Brgy, Paliwasan sa bayan ng San Miguel ng nasabing lalawigan.
Sa inisyal na report na tinanggap ni PNP Provincial Director Col.Rommel Ochave, kinilala ang nadakip na si Dexter Absan at Jomerson Macusi, kapwa residente ng Brgy, Caingin Malolos at Tabang Guiguinto Bulacan.
Nasa 80 bricks o katumbas ng 80 kilo ng pinatuyong dahon ng marijuana na nakabalot pa sa plastic ang nakuha ng mga awtoridad.
Una nang nagpanggap na poseur buyer ang isa sa mga pulis na isinagawa dakong alas-12:30 kahapon ng madaling-araw.
Samantala, kasong paglabag sa RA 9165 ang isasampa sa dalawang suspek na kasalukuyang nakakulong ngayon sa San Miguel Municipal Jail. THONY ARCENAL