PAANO MAG-ISIP TULAD NI ELON MUSK

SI ELON MUSK ay kilala bilang pinakamayamang tao sa mundo, at hindi lang ito dahil sa suwerte.

Ang tagumpay niya ay bunga ng kakaibang paraan ng pag-iisip na maaaring magsilbing inspirasyon sa sinumang gustong magtayo ng negosyo o umasenso sa buhay. Ang kanyang pamamaraan ay nakatuon sa matapang na mga desisyon, malalim na pag-unawa sa mga problema, at walang-tigil na inobasyon.

Isa sa mga pangunahing prin­sipyo ni Musk ay ang “first principles thinking.” Sa halip na umasa sa tradisyunal na pamamaraan o tanggapin ang nakasanayan, nilalapatan niya ng bagong pananaw ang bawat aspeto ng negosyo. Halimbawa, sa SpaceX, imbes na bilhin ang mamahaling rocket parts, pinag-aralan niya ang mga pangunahing materyales at gumawa ng sarili nilang disenyo, na mas mura at epektibo. Sa ganitong paraan, natututo siyang magbawas ng gastos habang pinananatili ang kalidad.

Bukod dito, si Musk ay hindi natatakot mag-isip nang malaki. Ang kanyang mga negosyo tulad ng Tesla at SpaceX ay hindi lamang nakatuon sa kita, kundi sa pagbabago ng mundo. Sa pagtuon sa mga problema tulad ng renewable energy at space exploration, nakalikha siya ng mga solusyon na may malalim na epekto sa lipunan. Ang ganitong pananaw ay hindi lamang nagdadala ng yaman kundi nagbibigay din ng kahulugan sa kanyang tagumpay.

Hindi rin dapat kalimutan ang work ethic ni Musk. Kilala siya sa pagtatrabaho ng higit sa 80 oras kada linggo, at direktang nakikilahok sa mga detalye ng kanyang mga proyekto. Para kay Musk, ang tagumpay ay bunga ng determinasyon at pagsusumikap, hindi ng tsamba.

Kung nais mong mag-isip tulad ni Elon Musk, huwag kang matakot magtanong, mag-eksperimento, at maghangad ng malalaking bagay. Gamitin ang talino at tapang upang lumikha ng mga bagay na magdadala ng pagbabago sa mundo.

Ang may-akda ay Founder at CEO ng Hungry Workhorse, isang kumpanya na nagbibigay ng ­serbisyo ukol sa digital at ­culture ­transformation. Siya ay ­nagtuturo ng strategic ­management sa MBA P­­rog­ram ng De La Salle ­University. Ang may-akda ay maaaring i-email sa [email protected].

Disclaimer: The views and opinions expressed above are those of the author and do not necessarily represent the views of FINEX, CSBank, and of PILIPINO Mirror.