PAG-KIDNAP SA 3 CHINESE SA NAIA NAPIGILAN

NAPIGILAN ng mga tauhan ng Philippine Aviation Security Group ng Philippine National Police (Avsegrp-PNP) ang tangkang pagdukot ng tatlong Chinese  nationals sa Ninoy Aquino International Airport (NAIA) terminal 3.

Nangyari ang insidente dakong alas-6:23 ng gabi nitong Sabado sa may gate 7 ng departure  area sa  NAIA  terminal 3 sa harap ng Duty Officer na si Ronald Bercasi na siyang nag-report sa police headquarters.

Sinabi ni Bercasio na  nakita niya ang grupo ng mga Chinese na pinipilit isakay ang tatlo nilang kababayan sa dalang sasakyan ng mga suspek na  puting Toyota Grandia van na may plate number VG 8479  na naka-park ito sa harap ng Gate 7.

Agad siya tumawag ng mga  tauhan ng Special Operation Unit (SOU) ng NAIA  at agad na nahuli ang mga suspek.

Nakuha sa mga   ito ang  halagang P260,252, passports, cellphones,  mga posas at  susi at mga   identification card.

Nakilala ang mga biktima na sina Huanbo Xu, Jingmin Xu and Kailang, na  agad na dinala  sa  opisina ng PNP Avsegroup kasama ang mga suspek na sina Jhong Ruei Yu,  Zhang Lee,  Yang Shuwen,  Wei Chong,  Ziu Cheng, Chen Xin at Qi Long na kalaunan ay  ibiniyahe sa  PNP-AKG Headquar-ters sa Camp Crame, Quezon City para sumailalim sa imbestigasyon bago sampahan ng kaukulang  kaso.    FROI MORALLOS