NILINAW ni Senador Panfilo Lacson na kailangan pa rin na dumaan sa Kongreso ang plano ng Pangulong Rodrigo Duterte na gamitin na lamang ang pondo sa road users tax para sa infra at flood control projects sa lalawigan ng Bicol na hinagupit ng bagyong Usman.
Ayon kay Lacson, tulad ng proseso dapat na idaan ito sa Senado at Kamara para sa pag-apruba bago lagdaan ng Pangulo.
Gayunpaman, pabor si Lacson sa plano ng Pangulo at suportado rin nito ang pahayag ni House Majority Leader Rolando Andaya na isama ito sa DPWH budget para madaling ma-monitor at hindi magamit sa katiwalian.
Sa panig naman ni Senador Joseph Victor Ejercito, suportado nito ang mungkahi ng Pangulo na gamitin ang pondo ng road users tax para sa mga nasalanta ng bagyong Usman sa lalawigan ng Bicol, subalit hindi dapat lahat ng pondo ay ilaan para rito.
Giit ni Ejercito, dapat na magtira pa rin ng pondo para sa road safety program dahil mahalaga ang kaligtasan ng mga motorista at ng mga pedestrian sa lansangan. VICKY CERVALES
Related posts:
(Pandagdag sa pondo vs COVID-19) TOXIC ASSETS IBENTA NA
(Pondo ubos na -DTI SB Corp.) MSME LOAN APPLICATIONS TIGIL MUNA
P820-M IDINAGDAG SA ATN FUND NG DFA
PUBLIC FUNDS GAMITIN NG MAAYOS AT TAMA
DUTERTE MAGSUSUMITE NG MONTHLY REPORT SA PAGGAMIT NG PONDO (Sa ilalim ng Bayanihan 2)
PONDO SA BAYANIHAN 2 GAMITIN SA TAMA
2021 BUDGET, AAPRUBAHAN SA BIYERNES
DSWD MAY HIGIT SA P83-B PONDO NA DAPAT GAMITIN PARA SA TYPHOON VICTIMS
Comments are closed.