NANGANGAMBA ang Department of Agriculture (DA) sa pagdami ng bilang ng mga alagang baboy na namamatay dulot ng hindi pa matukoy na sakit.
Sa isang press conference, sinabi ni Agriculture Secretary William Dar na pinakikilos na niya ang kanilang crisis management team matapos niyang matanggap ang incident report mula sa Bureau of Animal Industry (BAI) nitong Agosto 16 hinggil sa pagtaas ng mortality rate ng mga alagang baboy sa bansa.
Ayon kay Dar, magsasagawa sila ng confirmatory laboratory test kabilang na ang pagkuha ng blood samples mula sa mga apektadong baboy at ipa-dadala sa foreign laboratories upang matukoy ang sakit na nakaaapekto sa mga ito.
Kasalukuyan namang hinihiwalay ngayon ang mga baboy na apektado ng hindi pa natutukoy na sakit upang maiwasan na rin ang pagkahawa at pagkalat nito.
Sa ngayon, hindi pa matukoy kung ito ay may kaugnayan sa African Swine Fever na nakaapekto sa hog industry ng maraming bansa sa mga nakali-pas na buwan.
Samantala, nanawagan si Dar sa mga key industry players at backyard hog raisers na makipag-ugnayan sa gobyerno upang mabilis na masupil ang kumakalat na sakit. BENEDICT ABAYGAR, JR.
Related posts:
NAMAMATAY NA BABOY SA RIZAL DUMARAMI
HALAGA NG BABOY NANANATILING MAHAL SA KABILA NG ASF SCARE
PAGPUPUSLIT NG BABOY NA MAY ASF SA PANGASINAN MULING NATUKLASAN
DAAN-DAANG BABOY PINAGPAPATAY SA QC
BABOY NA PINATAY NASA 1/3 NG 20,000 NA APEKTADO SA ASF —DA
8M BABOY NAPIPINTONG MAGKA-ASF ‘PAG NAANTALA ANG FINANCIAL AID NG DA —HOG RAISERS
AGRI-GROUP TINIYAK ANG SAPAT NA SUPLAY NG BABOY SA KAPASKUHAN
KARNENG BABOY SUMIPA ANG PRESYO
Comments are closed.