BULACAN – NASAWI ang isang drug pusher nang manlaban sa awtoridad habang nadakip ang isa niyang kamag-anak sa operasyon ng ng Drug Enforcement Unit (DEU sa Barangay Sta.Cruz, San Jose del Monte City (SJDM).
Base sa report ni P/Lt.Col.Gil Doming, SJDM City police chief, kay P/Col. Lawrence Cajipe, Acting Provincial Director ng Bulacan PNP, nakilala ang napatay na si Criz Buiza, na nagtamo ng tama ng bala sa kanyang katawan habang nadakip si Hermil Buiza, kapwa nakatira sa nasabing barangay.
Alas-9:25 ng gabi nang magsagawa ng buy bust operation ang DEU operative ng SJDM City PNP sa nasabing lugar. Nakarekober ang Bulacan SOCO Team ng isang improvised shotgun at bala at anim na pakete ng shabu habang kumpirmadong matinding tulak ng droga ang suspek sa nasabing siyudad at kalapit-bayan. MARIVIC RAGUDOS
