NOONG March 2022 ay dumating kay Benny Andaya ang hindi inaasahang Silver Play Button award mula sa USA, galing mismo sa YouTube.
Ang Silver Play Button ay ibinibigay sa mga YouTuber na umaabot sa at least 100k subscribers. Almost 120k na ang kanyang subscribers kaya napansin si Benny ng YouTube at nabigyan siya ng isang napakagandang silver play button.
Hindi ito basta basta makukuha kung walang tiyaga at talento sa paggawa ng mga content. Of course, mahirap maabot ang 100k subscribers sa mga panahon ngayon na napakarami nang mga YouTuber na ang host ay magagaling at mga sikat. Tiyaga talaga ang puhunan.
Mahigit dalawang taon bago nakuha ni Benny ang Silver Play Button, at maraming struggle ang kanyang pinagdaanan. Marami ring humusga, nanlait at nanghamak sa kanyang pagkatao, ngunit hindi niya iniwan ang pagyu-YouTube. Sa halip, naging malaking hamon ito sa kanya.
Dumating ang pandemic at naging limitado ang galaw ng lahat dahil sa lockdown. Hindi pwedeng makagawa ng content sa labas kaya super tiyaga ang kanyang naging puhunan. At sa wakas, nakaabot nga siya sa 120,000 subscribers at nakuha niya ang Silver Play Button. Ang kinita niya dito ay ibinili niya ng maliit na lupa sa Tanay, Rizal at ipinagpagawa na rin ng maliit na bahay.
Ang nakagugulat ay ang award na natanggap niya galing sa Team JSP ng King Fajad Arm Forces Hospital. Sila ay mga Frontliners sa KFAFH na mga tagahanga nina Mygz Molino at Mahal.
Nagkataong may ginawang content si Benny na sina Mahal at Mygz ang topic. Ginawa niya ito dahil naging saksi siya sa tensyong dumaan sa community ng mga tagahanga ng Mahmygz (Mahal at mygz). Isa si Benny sa mga naging daan para maging maayos ang lahat. Namagitan siya para maging mapayapa ang noon ay lumalalang tensyon.
Sa madaling salita, naging maayos ang lahat.
Isa pa sa hinangaan at nagustuhan ng mga taga-KFAFH ay ang isinusulong na advocacy ni Benny. Tumutulong siya sa mga nangangailangan sa abot ng kanyang makakaya. May sinusuportahan siyang charity institution sa Masbate, at namimigay siya ng ayuda sa kanyang mga kabarangay.
Naging trending sa social media ang ginawa niyang pagtulong sa isang ama ng tahanan na nakatira sa Mount Malaya sa Pililia Rizal. Isa siyang amang may limang mga anak. Hindi man kalakihan ang kanyang kinikita sa YouTube, sinikap niyang mapagawan ito ng maliit na bahay. Pinalagyan din niya ng mga Solar Panels ang bahay upang hindi sila mahirapan sa gabi at binigyan pa ng kaunting kabuhayan upang may pagkunan ng kanilang kakainin sa araw-araw.
Para kay Benny, sharing is a good thing. Hindi raw siya nawawalan kapag tumutulong siya sa iba dahil kapag ginagawa niya ito ay nagiging magaan ang kanyang kalooban.
Si Benny Andaya ay entertainment writer ng Pilipino Mirror.