ISINISI ng Palasyo ng Malakanyang sa mataas na presyo ng produktong petrolyo kung bakit tumaas ang mga Filipino na nagsasabing mas humirap ang buhay nila sa 2nd quarter ng 2018.
Sa resulta ng June 2018 survey ng Social Weather Stations, 32 porsiyento ng mga respondent ang nagsabing gumanda ang kanilang buhay habang 27 porsiyento ang nagsabing lumubha ang buhay para sa net gainers score na +5.
Mas mababa ito ng 15 points sa +20 na naitala noong Marso ng taong kasalukuyan at maituturing na pinakamababa mula +3 na naiposte noong Abril 2016.
Sa kabila nito ay tiwala si Presidential Spokesman Harry Roque na bubuti ang kalagayan ng ekonomiya dahil sa nananatili ang fundamentals ng bansa.
Naniniwala pa si Roque na pansamantala lamang ang nararanasang hamon sa ekonomiya tulad ng pagbilis ng inflation rate sa 5.7 porsiyento ni-tong Hulyo pati na ang mabagal kaysa sa inaasahang growth rate.
Nananatiling excellent ang optimism ng mga Pinoy dahil 49 porsiyento sa mga respondent ay naniniwalang gaganda ang buhay sa susunod na 12 buwan habang 5 porsiyento ang naniniwalang lalo pang lala ang buhay nila. NENET V
Related posts:
PRESYO NG PETROLYO MAHIGIT P2 ANG TAPYAS SIMULA NGAYON
PETROLYO SISIRIT SA SUSUNOD NA LINGGO
PRESYO NG PETROLYO SISIPA SIMULA NGAYON
PRESYO NG PETROLYO HIHIMAYIN SIMULA HULYO 4
OIL FIRMS NAGPETISYON PARA ITIGIL ANG PAGHIMAY SA PRESYO NG PETROLYO
HIGIT P1 ANG TAAS-PRESYO SA PETROLYO
KOMPANYA NG LANGIS NAGDAGDAG-BAWAS SA PRESYO NG PETROLYO
ROLLBACK SA PRESYO NG PETROLYO NGAYONG ARAW
Comments are closed.