SI Senator Christopher “Bong” Go, Chair ng Senate Committee on Health and Demography, ay patuloy na nagsusulong ng mas magandang access sa kalusugan, lalo na sa malalayong lugar, dahil nananatili siyang nakatuon sa pagsusulong ng pagtatayo ng mas maraming Super Health Centers sa buong bansa.
Sa isang video message sa isinagawang relief operation ng kanyang team sa Concepcion, Tarlac noong Biyernes, Marso 17, itinampok ni Go kung paanong ang pagtatatag ng Super Health Centers ay isa lamang sa mga pagsisikap ng gobyerno na mapabuti ang access sa pangangalagang pangkalusugan para sa mga Pilipino at magdala ng mga serbisyong medikal ng gobyerno.
“Ang Super Health Center po is a medium type of polyclinic, mas malaki lang sa rural health unit, mas maliit sa ospital. Isang medical structure po ‘yan, building na may mga equipment kung saan pwede pong manganak, dental, x-ray o ano pang basic medical services na kailangan ng komunidad,” paliwanag ni Go.
“‘Yung mga buntis, minsan nanganganak na lang sa mga jeepney o tricycle dahil napakalayo ng ospital. Ngayon po, ilalapit natin ang serbisyong medikal sa ating mga kababayan,” dagdag ni Go.
Sa pagsisikap ni Go at sa suporta ng kanyang mga kapwa mambabatas, sapat na pondo ang inilaan sa ilalim ng 2022 Health Facilities Enhancement Program para sa pagtatayo ng 307 Super Health Centers. Naging matagumpay rin siya sa pagtulak ng karagdagang pondo sa ilalim ng 2023 budget para suportahan ang pagtatatag ng karagdagang 322 Super Health Centers sa ibang bahagi ng bansa.
Sa Tarlac, ang Super Health Centers ay pinondohan noong 2022 para sa mga bayan ng Gerona, La Paz, Paniqui, Victoria, Mayantoc, at San Jose, na personal niyang ininspeksyon noong Marso 9.
Ngayong taon, ang Super Health Centers ay pinondohan sa Tarlac City at sa mga bayan ng Camiling, Capas, Concepcion, Moncada, San Clemente, San Manuel, at Santa Ignacia.
Ang mga serbisyong inaalok sa Super Health Centers ay kinabibilangan ng database management, out-patient, panganganak, isolation, diagnostic (laboratory: x-ray at ultrasound), pharmacy at ambulatory surgical unit. Ang iba pang magagamit na serbisyo ay serbisyo sa mata, tainga, ilong, at lalamunan (EENT); mga sentro ng oncology; physical therapy at rehabilitation center; at telemedicine, kung saan gagawin ang malayuang pagsusuri at paggamot sa mga pasyente.
Samantala, nag-alok din si Go na tulungan ang mga nangangailangan ng tulong medikal at hinikayat niya silang humingi ng serbisyo sa Malasakit Center sa Tarlac Provincial Hospital sa Tarlac City o sa alinman sa 156 operational centers sa buong bansa.
Kinikilala ang kahirapan ng maraming Pilipino na makakuha ng medikal na pangangalaga dahil sa mga kakulangan ng pananalapi, sinimulan ni Go ang programang Malasakit Centers noong 2018. Kalaunan ay na-institutionalize ito sa ilalim ng Republic Act No. 11463 o ang Malasakit Centers Act of 2019, na pangunahin niyang inakda at itinaguyod.
Samantala, isinagawa ng outreach team ni Go ang relief operation sa Waltermart Concepcion, kung saan nagbigay sila ng maskara, meryenda, kamiseta, at bola para sa basketball at volleyball sa 166 na mahihirap. Namigay rin sila ng mga cellular phone at sapatos sa mga piling tatanggap.
Bilang Vice Chair ng Senate Committee on Finance, sinuportahan din ni Go ang pagpapagawa o pagpapaganda ng mga kalsada sa Concepcion, Gerona, La Paz, Pura, San Jose, Victoria at Tarlac City; pagpapabuti ng mga istrukturang pangkontrol sa baha sa tabi ng Moriones River sa Tarlac City; at pagbuo ng multipurpose building sa San Manuel at Victoria.
