PAGPAPASABOG NADISKARIL NG MILITAR

SULTAN KUDARAT – BIGO ang mga tero­rista na mapasabog ang Improvised Explosive Device na kanilang isinilid sa isang bag at inilagay sa harap sa isang eskuwelahan sa Tacurong City.

Ayon kay Joint Task Force Sulu Brigadier General Cirilito Sobejana, alas-3:00 hapon kamakalawa nang marekober ng mga tauhan ng Joint Task Force Talakudong ng Philippine Army ang IED sa harap ng Griño Elementary School sa National Highway ng Tacurong City.

Agad na rumesponde sa lugar ang mga tauhan ng Explosive Ordnance Disposal (EOD) ng  Army at PNP dahilan para mapigilan ang pagsabog ng  natagpuang IED.

Ang IED ay gawa sa unexploded ordnance mula sa 105mm ammunition.

Batay sa pahayag ng civilian informant, isang Yasser Saligan ng Bangsamoro Islamic Freedom Fighters (BIFF) sa ilalim ni Commander Sukarno Sapal alyas Diok ang naglalagay ng mga IER na target ay ang lalawigan ng Sultan Kudarat.

Nagpasalamat naman si Sobejana sa impormasyong ibinibigay ng mga sibilyan kasabay ng panawagan na maging mapagmatiyag at alerto laban sa mga kahina-hinalang bagay o tao. R. SARMIENTO

Comments are closed.