PAGPAPATULOY NG VOTER REGISTRATION DINAGSA

DINAGSA ang pagpapatuloy ng voter re­gistration sa mga nais humabol na aplikante  para sa eleksiyon sa Mayo 2022.

Madaling araw pa lamang ay mahaba na ang pila ng mga nais magparehistro sa opisina ng Commission on Elections sa Barangay Sto. Cristo lungsod ng Quezon gayundin sa lungsod ng Pasig na mayroon lamang tatlong daan slot para sa mga aplikanteng magpaparehistro.

Samantala, nagpa­alala ang mga opisyal ng barangay na patuloy pa ring sundin ang physical distancing.

Ang pagpapalawig sa voter registration ay hanggang sa  Oktub­re 31.

Nagsimula ulit ang pagpaparehistro sa Oktubre 9 matapos magbigay-daan sa paghahain ng Certificate of Candidacy (COC).

Nauna rito ay itinuturing ng mga mambabatas na tagumpay ang desisyong palawigin ang pagpapatala.

“Ang desisyong ito ay tapat sa diwa ng demokras­ya dahil pina­kinggan ng Senado, ng Kongreso, at lalo na ng COMELEC, ang nais ng taumbayan: ang marinig ang kanilang boses at makapag-ambag sa kinabukasan. Lalo na ngayong pandemya, importante na pinoprotektahan natin ang ating karapatang makilahok sa proseso ng eleksyon,” ayon kay Sen. Riza Hontiveros.

Patuloy naman na hinihimok ng mambabatas ang mamamayan na magparehistro at maki­lahok sa darating na halalan.

Related posts:

VOTER REGISTRATION APEKTADO NG ECQ VOTER REGISTRATION HINILING NA PALAWIGIN EXTENSION NG VOTER REGISTRATION HINILING MAKABAYAN BLOC HINILING DIN ANG EXTENSION NG VOTER REGISTRATION VOTER REGISTRATION I-EXTEND HANGGANG OKTUBRE 31 (Sa voter registration) WALA NANG EXTENSION – COMELEC VOTER REGISTRATION SA MECQ PINAYAGAN VOTER REGISTRATION SA MGA MALL DINAGSA