PAHINANTE NAATRASAN NG KILLER TRUCK

VALENZUELA CITY – PATAY ang isang pahinante matapos  maatrasan ng truck na minamaneho ng kanyang driver sa lungsod na ito.

Kinilala ang biktima na si Sherwin Calilap ng San Ildefonso, Bulacan.

Kakasuhan naman ng reckless imprudence resulting to homicide  ang driver ng truck na si Ronaldo Navarro ng  Brgy. Capihan, San Ildefonso, Bulacan.

Naganap ang insidente alas 2:40 ng hapon sa Sitio St., 6071 Omnicrete Corp. Compound,  Ugong, Valenzuela City.

Inaasistehan umano ng biktima ang suspek habang iniaatras nito ang isang truck na may plakang 130108.

Tinulungan din ni Calilap na magmaniobra ang isa pang nagmamaniobrang truck driver at hindi ito napansin ni Navarro at nasagi ang bitkima na natumba at nasagasaan ng truck. EVELYN GARCIA