MATAPOS ang naranasang pagbaha, nilamon naman ng apoy ang isang malaking palengke sa ng apoy ang isang palengke sa Barangay Sta. Monica sa Novaliches, Quezon City kahapon ng madaling araw.
Ayon sa mga may-ari ng pwesto ng palengke na mas kilala sa dating pangalang nito na “Angeles Market” dakong ala-5:13 ng umaga ng makarinig sila ng isang malakas na pagsabog at kasunod nito ay mabilis na kumalat ang apoy.
Ang naturang palengke ay nasa gitna ng Ramirez at Dumalay St. na sakop ng Barangay Novaliches Proper at Barangay Sta. Monica.
Dahilan sa malaking apoy ay umakyat ito sa ikatlong alarma na pinagtulung-tulungang patayin ng mahigit sa 20 trucks na pamatay sunog.
Wala namang naiulat na namatay maliban sa isang nagtamo ng minor injury,
Nabatid na ang naturang lugar ay kabilang sa mga naapektuhan ng matinding pagbaha sa Metro Manila dulot ng Southwest Monsoon o Habagat na pinalakas ng Bagyong Carina nitong nakaraang linggo.
Napag-alaman na ang mga napinsala sa naturang sunog ay ang mga pwesto ng groceries, tindahan ng itlog , bigas at karne at ilang sasakyan na nakaparada sa parking area ng naturang palengke
Hanggang sa kasalukuyan ay patuloy pang iniimbestigahan ang naturang insidente at inaalam pa ang kaubuang halaga ng napinsala sa naturang sunog.
EVELYN GARCIA