PAMBANSANG BAE MAY PASABOG SA KANYANG SERYE

MATAPOS ang engrandeng launch kama­kailan, masasaksihan na ng fans ng Pambansang Bae na si Alden Richards ang kanilang pinakahihintay na serye na Victor Magtanggol na magsisimula ngayong gabi sa GMA Tele­babad.

Balita namin, pasabog kung pasabog ang hatid ng Kapuso prime actor na siyang bida ng telefantas­ya. Nakaiintriga para sa kanyang fans kung paano makukuha ni Alden ang kanyang super powers at kanya-kanya sila ng post sa social media ng kanilang suporta sa kanilang idolo. Abangan ngayong gabi ang pagdating ng pinakabagong superhero sa kanyang extra-ordinary mission.

Kasama niya rito sina Andrea Torres, Janine Gutierrez, Coney Reyes who plays his mother, John Estrada na magpapahirap sa kanya, Al Tantay, Pancho Magno, Conan Stevens, Eric Quizon, Freddie Webb, Miguel Faustmann, Kristoffer Martin, Maritoni Fernandez, Chynna Ortaleza, at marami pang iba sa direksiyon ni  Dominic Zapata who feels humbled directing three directors in the cast—Eric Quizon, Al Tantay and stage actor/director Miguel Faustmann.

RICO J. PUNO, DULCE, MARCO SISON, JUN POLISTICO TOGETHER IN A RARE

APPEARANCE FOR A FUND-RAISING EVENT

HINDI ko akalain na mapagsasama-sama sa isang musical event ang singing icons ng Philippine music industry para sa isang fund-raising activity at bukod pa roon, it was a midweek and most of the time, artists  could be busy in some tapings, meetings, or even a show.

Kaya ang makita at marinig sina Rico J. Puno, Dulce, Marco Sison at Jun Polistico na magbigay ng kani-kanilang awitin at magpakita ng suporta sa isang fund-raising show ay tunay na nakamamangha. Hindi nabigo ang audience na karamihan ay mga kaibigan din nila dahil they really brought the house down, with each of them sang their hit songs and trekked down memory lane. Hindi magkamayaw ang audience sa pagsigaw ng “more!”

Lumikha sila ng i­ngay noong dekada 70, ang masasabing era of Philippine music at kahit lumipas na ang ilang dekada, hindi pa rin nagbago ang kanilang performance as if we were still in the 70s as we watched them perform.

Hindi sila nagdalawang-isip nang tawagan sila ng composer at hitmaker na si Nonoy Tan, na siyang nag-spearhead ng na­sabing fund-raising event for a long-time friend’s daughter. Si Jun Polistico ang mismong nag-volunteer ng kanyang support at nagsabi pa na ‘di na kailangang ilagay ang kanyang pangalan sa poster. Bawat isa sa kanila ay kinasabikan ng kanilang mga tagahanga na dumalo sa nasabing okasyon.

Sumuporta rin ang Tawag ng Tanghalan finalist na si Rico Garcia, ang tinaguriang Michael Buble at dance master na si Mike Cuneta, Ronnie D “Lou Rawls,” Eric Montre, Midlife Crisis, Progeny. Lyra Raposa, Evelyn Gonzales at siyempre ang Super Band ni Nonoy Tan na siyang nagbigay ng finale performance na nagpasayaw sa mga nanood.

Thank you is too pale a word to express our family’s gratitude to these great performers, to those who came to watch, who took their precious time to be present in this event. What we can’t give back, God will return the favor hundredfold!

To Marita Lui Pio, for her big heart, the unsung hero of the night, who forewent her birthday celebration so she could manage the reception and made sure all tickets were properly accounted for was ably assisted by Takako Magtoto who stood by her side all throughout the evening, Marita, you are a blessing!

For the resounding success, to God be all the glory!