NILINAW kahapon ng Miss Universe Organization na nagwagi ang pambato ng Filipinas na si Gazini Ganados sa National Costume Competition ng beauty pageant na ginanap sa Atlanta, Georgia sa United States.
Inanunsiyo ng organisasyon ang kanilang paglilinaw sa kanilang official Twitter account ang pagkakapanalo ni Gazini bilang Best National Costume na hango sa Philippine eagle.
Unang inanunsiyo ng host na si Steve Harvey na si Gazini ang nagwagi sa National Costume Competition kasabay ng pag-flash ng larawan nito sa screen, ngunit inagaw ang mike ng katabi ni Harvey na si Miss Malaysia Shweta Shekhon at sinabi nitong siya ang nagwagi.
Nagpaliwanag naman si Harvey at sinabing pagkakamali na ito ng teleprompter.
Binanggit din nito ang insidente noong 2015 kung saan nagkamali rin siya ng nabanggit na panalo sa beauty pageant.
Comments are closed.