Ilang pamilya ng Persons Deprived of Liberty (PDL) sa New Bilibid Prison sa Muntinlupa City ang lumapit kay ACT-CIS Cong. Erwin Tulfo dahil sa sobra-sobrang pananatili na ng kanilang kaanak na PDL sa New Bilibid Prison.
Ayon sa grupong Aid-Dalaw Nationwide International Movement (AIM), may 10,000 PDL sa NBP ang dapat laya na subalit patuloy na naghihimas ng rehas kahit tapos ng bunuin ang kani-kanilang sentensya.
Paliwanag ni Cong. Tulfo, “Ang reklamo nila tila hindi agad nare-review ang mga papel ng PDL na dapat ay lumaya na”.
Ang problema din ay natetengga ang pagpirma ng release form ng PDL at hindi agad napipirmahan dahil sa dami na dapat na lumaya na rin”, ani Cong. Tulfo.
“Isang ginang ng AIM ang nagsabi na ang asawa niya ay nasentensyahan ng walong taong pagkakakulong dahil sa kasong homicide”, ani Rep. Tulfo.
Dagdag pa ng Deputy Majority Leader, “Sampung taon na raw ang mister niya at sobra na ng dalawang taon sa sentensya sa kanya”.
“Kung mapapalaya lang ang 10,000 na overstaying na PDL sa NBP, tiyak luluwag ang ating BuCor”.
Nangako ang ACT-CIS Partylist Representative na iimbestigahan kung saan talaga ang problema para maayos na ang isyung ito.
Related posts:
PAGKAMATAY NG MGA PRESO SA NBP PINAIIMBESTIGAHAN
ACT-CIS TUMULONG SA MGA NAAPEKTUHAN NG PAGBAHA
GAMOT SA LEPTOSPIROSIS AT TETANUS GAWING LIBRE – TULFO
(Sinimulan sa Kongreso) IMBESTIGASYON SA PROCUREMENT NG P150M HEAVY EQUIPMENT SA TAYABAS
11 PDLs NAKAPAGTAPOS NG PAG-AARAL
REP. ERWIN TULFO AT ACT-CIS PARTYLIST, NAG-DONATE SA ANGAT BUHAY FOUNDATION
PDLs SA DRUG-RELATED CASES ILILIPAT SA MINDORO
RECORDS NG MGA PDL FULLY DIGITALIZED NA