PASAY CITY – TINIYAK ng Overseas Workers’ Welfare Administration (OWWA) na mabibigyan ng tulong ang pamilya ng Overseas Filipino Worker (OFW) na taga-Bantay, Ilocos Sur, na namatay sa Saudi Arabia.
Pahayag ni OWWA-Region 1 Family Welfare Officer Virna Agbayani na gagawin nila ang lahat ng kanilang maitutulong sa pag-uwi ng bangkay ng OFW na si Maribel Patubo sa lalawigan partikular na sa Barangay Quimmarayan, Bantay.
Nasawi si Patubo na na-comatose matapos maoperahan nang dalhin ng kaniyang mga amo sa Al Rass General Hospital.
Hindi pa malinaw sa mister ng biktima na si Joseph Patubo kung ano ang tunay na nangyari sa asawa nito bagama’t sinasabing nahulog ito sa loob ng pinagsisilbihang bahay kaya dumanas ng brain aneurysm.
Naulila ng biktima ang kaniyang asawa at dalawang anak na edad anim at siyam na taong gulang. PILIPINO MIRROR REPORTORIAL TEAM
Related posts:
AYUDA SA 109 OFWs MULA SA SAUDI
MISSILE STRIKE NAITALA, OFWs SA SAUDI PINAG-IINGAT
OFWs SA SAUDI HANDA NG ILIKAS
38 OFWs NA NAWALAN NG TRABAHO SA SAUDI NAKAUWI NA
OFWs SA SAUDI DAPAT PAGMALASAKITAN-YAP
(Sa pagsundo sa labi ng OFWs) SAPAT NA PANAHON INAPELA SA SAUDI
OFWs TODO INGAT VS SANDSTORM
OFW WAGI SA DANCE COMPETITION
Comments are closed.