PANDEMYA ‘DI MAKAKANSELA ANG MGA TRADISYON SA HOLY WEEK

HINIMOK ni Senador Imee Marcos ang mga Katoliko na panatilihin ang kanilang dedikasyon sa relihiyon at pag-asa sa kabila ng mga banta ng Covid-19 na makasira sa tradisyunal na paggunita ng Holy Week sa ikalawang taon.

“Hindi mapipigil ng pandemya ang mga tradisyon ng mga pananampalatayang Pilipino, tulad ng Pasyong Mahal, prusisyon at Senakulo, Via Crucis, Pitong Wika, at mga misa para sa Linggo ng Pagkabuhay. Pwede tayong sumamba sa ating mga bahay o sa online, o kahit saan pwedeng mag-isa tayo at tahimik na makipag-usap sa Panginoon,” ani Marcos.

Inihayag ito ni Marcos sa gitna ng pagpapatupad ng gobyerno ng apat na klase ng lockdown sa buong bansa base sa rami ng impeksiyon sa isang lugar, kabilang dito ang enhanced o general community quarantine (ECQ O GCQ) o modified na bersyon ng mga ito (MECQ, MGCQ).

Ayon kay Marcos, ang mga mananampalatayang  Pinoy ay nagtatanong kung akma ba ang  general restrictions o mga pagbabawal sa misa at iba pang pangrelihiyong aktibidad sa mga magkakaibang quarantine.

“Dapat ikonsidera ang mga gawaing pansimbahan bilang essential services, pero dahil kailangang mapigil ang hawahan ng sakit, istrikto ring nadiyeta ang mga kaluluwa nating nagugutom,” diin ni Marcos.

Binanggit din ni Marcos na maari pa rin isagawa at makiisa ang mga debotong Katoliko sa nakasanayang group singing tuwing misa sa pamamagitan ng open mic sa Zoom, kahit pa mag-isa sa bahay.

“Wag naman natin kalimutan ang ating abuloy na banal na bahagi rin ng Semana Santa. Sa mga may kakayahang magbigay, magbigay tayo ng bukal sa puso. Habang ang iba na kapos, matutunan pa rin natin ang magbahagi,” ani Marcos.

Dagdag pa ni Marcos na ang kusang-loob na pagbibigay ng mga libreng pagkain at transportasyon sa mga health worker at iba pang frontliners, na una nang ginawa noong nakaraang taon sa pagsisimula ng pandemya, ay dapat pa rin na magpatuloy.

“Panatilihin natin ang kabutihang-loob at bolunterismo. Wag naman sana tayong magsawa sa pagbibigay,” hikayat ni Marcos.

Isa sa mga kabutihang maaring gawin ng mga nagpe-penetensya ay tulungan ang mga senior citizen na magpa-rehistro sa pagpapabakuna o kaya ay samahan sila sa mga vaccination center na mananatiling bukas kahit Semana Santa, ayon pa kay Marcos.

Related posts:

SENADO, IPINAGDIWANG ANG KONTRIBUSYON NG KABABAIHAN LABAN SA PANDEMYA (Iminungkahi ng Obispo ngayong pandemya) KUMPISAL GAWING VIRTUAL  271 PINOY NA APEKTADO NG PANDEMYA SA VIETNAM NAKAUWI NA (Hangga’t nasa pandemya ang bansa) TULOY-TULOY NA BENEPISYO SA HEALTHCARE WORKERS DISKARTE NG PINOY ENTREP ANGAT NGAYONG PANDEMYA (Ipinamahagi sa pinakamahihirap) AYUDA SA APEKTADO NG PANDEMYA, BAGYONG ODETTE HOUSING SECTOR NANATILING MASIGLA KAHIT MAY PANDEMYA – DHSUD CHIEF BAGONG BATAS SA PSA, LILIKHA NG TRABAHO AT MABILIS NA PAGBANGON SA PANDEMYA- ROBES