Nais ni Deputy Majority leader at ACT-CIS Rep. Erwin Tulfo na tiyakin ng Department of Migrant Workers (DMW) na pantay o parehas ang sahod ng mga Pinoy seaman at iba pang propesyon sa ibang mga lahi sa kanilang mga kontrata.
“Matagal nang nakakarating sa aking tanggapan ang reklamo na ito pero walang magawa ang mga kababayan natin dahil hindi naman mga choosy tayong mga Pinoy,” ayon kay Cong. Tulfo.
Aniya, “I encourage ang DMW natin na siguruhin na hindi dehado mga kababayan natin pagdating sa sahod at benepisyo”.
Suhestiyon nman ni ACT-CIS Cong. Edvic Yap na kausapin ng DMW ang mga manning, placement, at recruitment agencies hinggil dito.
“At hindi lang sa mga seaman nangyayari ito kasi dahil pati land based contract tulad ng engineers, accountants, draftsman at iba pa tila mas mababa ang sweldo ng mga Pilipino kaysa sa mga ibang lahi partikular na mga Europeans at Americans,” ani Cong. Yap.
“I ,think its high time we do something about this kasi nga hindi tayo reklamador pagdating sa sweldo lalo na pag nasa abroad na ang kababayan natin,” dagdag pa ni Tulfo.
Uminit ang isyu hinggil sa sahod ng mga seafarer matapos mapabalita kamakailan na isang seaman ang nagdemanda sa korte sa The Netherlands para ipantay ang sahod nila sa mga European.
Nakatakdang makipagpulong si Tulfo kasama si Cong. Yap sa mga opisyal ng DMW ngayong linggo hinggil sa isyung ito.
Related posts:
DEPLOYMENT NG PINOY SEAFARERS HINIGPITAN
AGARANG PAGPASA NG CHILD SUPPORT LAW, ISINUSULONG NI TULFO
(Apela ni Erwin Tulfo) U.S. PAYAGANG MAG-ESCORT SA PH RESUPPLY MISSIONS SA WEST PHILIPPINE SEA
P8.5B PONDO NG DMW APRUB SA SENADO
MGA MANGGAGAWA HANGGANG SA LAYLAYAN NG LIPUNAN, PRAYORIDAD NI CONG. TULFO
TULFO: P150K CASH ASSISTANCE, NAGHIHINTAY SA MGA UUWING OFW MULA SA LEBANON
PAMAHALAAN, HINDI TITIGIL SA PAGBIBIGAY NG AYUDA SA MGA MAHIHIRAP
REP. ERWIN TULFO PINAIIMBESTIGAHAN ANG MINING DAHIL SA PAGLABAG SA MGA KARAPATAN NG IPs SA AGUSAN DEL SUR