PAO, PUMASOK NA SA PAGKAMATAY NG PASLIT SA MEDICAL MISSION

Sinabi ni PAO chief Atty. Persida Rueda-Acosta na nais din na pagpaliwanagin ang Quezon Memorial Hospital kung saan dinala ng kanyang mga magulang si ‘Angelo’ noong Marso 21, 2022 matapos itong magreklamo ng matinding sakit ng ulo at walang tigil na pagdurugo mula sa kanyang tinuli na ari.

Gustong alamin ni Acosta   kung bakit hindi kaagad nagsagawa ng pagsasalin ng dugo ang ospital  sa biktima na ‘anemic na.’

Sinabi ni Acosta na isinagawa na ng Forensic Division chief ng PAO na si Dr. Erwin Erfe ang autopsy sa ari ng biktima upang matukoy kung ano talaga ang sanhi ng pagkamatay ng biktima  na nangarap na maging seaman balang araw.

Sinabi ni Erfe na maaaring namatay ang biktima dahil sa hypoxic ischemic encephalopathy (HIE) ‘na isang uri ng brain dysfunction na nangyayari kapag ang utak ay hindi nakakatanggap ng sapat na oxygen o daloy ng dugo sa loob ng isang panahon.’

Ang ibig sabihin ng hypoxic ay hindi sapat na oxygen habang ang ischemic ay nangangahulugan ng hindi sapat na daloy ng dugo at ang encephalopathy ay nangangahulugan ng brain disorder, ipinaliwanag ng PAO.

Nabatid na ang parehong inisyal na natuklasan ni Erfe at ng kanyang Forensics team ay nakasaad din sa death certificate ng biktima na nagpakita rin ng severe anemia secondary to post circumcision bleed bilang pinagbabatayan.

Sinabi ng punong pampublikong abogado na humingi sa kanila ng tulong ang mga magulang ng biktima matapos ang kanilang anak na lalaki ay magpatuli ng hindi pa nakikilalang grupo ng mga organizer at doktor na nagsagawa ng medical mission sa Lucena City mahigit isang linggo na ang nakalipas.

Sinabi ng kanyang ina, si Ana Francisco, sa PAO na nagpasya siyang dalhin ang kanyang anak sa ospital noong Marso 21 matapos itong magreklamo ng matinding sakit ng ulo nang mapansin niya ang walang tigil na pagdurugo mula sa kanyang vital organ.

Makalipas ang isang araw, nag-expire ang biktima sa parehong ospital, sabi ng PAO.

Sinabi ng kanyang ina na sinabihan siya ng mga nars sa ospital na napansin nilang hindi maayos ang ginawang mga tahi sa ari ng biktima at maaari ring naapektuhan ang isang ugat nang  gawin ang pagtatahi. BENEDICT ABAYGAR, JR.