NAKAKAINIP na kung kelan ipapalabas ang ‘Darna’ ng Kapamilya Channel dahil bago pa magpandemya, ipalalabas na raw ito, pero heto, matatapos na ang pandemya, ipalalabas pa rin daw. Wala pang schedule. Pero malinaw na si Jane de Leon ang gaganap na Darna, si Janella Salvador ang Valentina, si Zaijian Jaranilla ang Ding at si Rio Locsin naman ang ina ni Narda.
Naka-line up ang Darna para ipalabas ngayong 2022, pero wala pang airing date ang ABS-CBN. In fairness, naka-lock-in taping sila ngayon via JRB Creative Production, at may nadagdag na naman sa cast, si Paolo Gumabao. Kung ano ang role niya, hindi pa namin alam. Kahit nga si Joshua Garcia na kumpirmadong kasama rin sa cast, hindi pa namin alam kung ano ang role.
Iba raw ang istorya ng ‘Darna’ na ito sa karaniwang Darna na napanood natin. Yung dating Valentina, naging Regina Vanguardia na alter-ego ng tunay na Valentina, at hindi ahas ang buhok niya. May nakatago lang ahas. Abangan na lang natin. – KNMartin