(Para makatulong sa food security) YOUTH AGRIPRENEURSHIP PALAKASIN

ISINUSULONG ng isang senador ang pagpapalakas sa paglahok ng mga kabataan sa agrikultura at entrepreneurship.

Sa Senate Bill 2231 o ang proposed Young Agripreneurs Act of 2021, sinabi ni Sen. Risa Hontiveros na ang mga kabataan sa Filipinas ay hindi na interesado sa pagsasaka na nagsisilbing banta sa food security.

“As a result, traditional farming methods are gradually fading as a practice in rural communities,” sabi ni Hontiveros sa knayang explanatory note.

Para mahikayat ang mga kabataan na pumasok sa pag-aagrikultura, binigyang-diin ng senadora na kailangang maging mas malaki ang kita rito.

Nakasaad sa panukala ang pagbuo ng pamahalaan ng Youth Agricultural Hubs na ang tungkulin ay ang magkaloob ng trainings sa mga kabataan para sa agrikultura, financial literacy, entrepreneurship at iba pang kaugnay na kurso.

Magsisilbing venue ang naturang hubs para sa research farming at ito rin ang makikipagtulungan sa mga ahensiya ng pamahalaan at mga lokal na pamahalaan para sa mga nararapat na programa.

Sa ilalim pa ng panukala ay regular na magsasagawa ng youth agripreneurship trade fairs ang gobyerno para maipakita ng mga kabataan ang kani-kanilang agricultural products.  LIZA SORIANO

Related posts:

HEALTH, FOOD SECURITY PANGUNAHING PRAYORIDAD NG GOBYERNO SA 2021 BUDGET MEETING FOOD SECURITY CHALLENGES AMID COVID-19 PANDEMIC FOCUS OF AUG. 31 BUSINESSMIR-ROR FORUM PHL MAINTAINS FOOD SECURITY AMIDST COVID PANDEMIC (Itinakda ng DA sa Abril 7-8) FOOD SECURITY SUMMIT KASADO NA (DTI, DA sanib-puwersa) FOOD SECURITY PAIIGTINGIN (Sa halip na sa Barangay at SK elections)P8.4-B ILAAN SA FOOD SECURITY 59TH FISH CON WEEK HIGHLIGHTS FOOD SECURITY THROUGH SUSTAINABLE MEANS PAMUMUHUNAN NI MVP SA SEKTOR NG AGRIKULTURA PARA MAKATULONG SA FOOD SECURITY NG BANSA