(Para mapabilis ang pagbangon) EKONOMIYA BUKSAN PA

IGINIIT ng mga economic manager ng Duterte administration ang pagbubukas pa sa ekonomiya sa kabila ng pagtaas ng kaso ng COVID-19 dahil maaari naman umano itong maisagawa nang ligtas at umarangkada na rin ang vaccination program.

Sa isang joint statement, sinabi nina National Economic and Development Authority (NEDA) Acting Secretary Karl Kendrick Chua, Finance Secretary Carlos Dominguez III, at  Budget Secretary Wendel Avisado na para mapabilis ang paglago ng ekonomiya at ang paglikha ng mga trabaho ngayong taon ay kailangan ang isang ‘three-pronged strategy’.

Ang naturang mga istratehiya ay kinabibilangan ng ligtas na reopening ng ekonomiya habang mahigpit na sumusunod sa health standards;

ganap na pagpapatupad sa recovery package, lalo na yaong ang budget ay nailaan na subalit hindi pa lubusang nagagastos; at pagtiyak sa napapanahong implementasyon ng vaccine program sa buong adult population.

Ipinalabas ng mga  economic manager ang joint statement makaraang tumaas ng 1.6 milyon ang bilang ng mga walang trabaho nitong Enero.

“On the first strategy, the gradual reopening of the economy requires a more careful and calibrated approach, given the risks from the new COVID-19 variants. A more targeted approach is also needed,” anang economic managers.

“On the one hand, we will need to be more vigilant in high-risk areas by strictly enforcing the health standards and using localized quarantines. This way, we can reduce virus spread without affecting the healthy majority who are in need of jobs to address their hunger and other health concerns,” dagdag pa nila.

Sa low-risk areas, sinabi ng mga economic manager na maaaring unti-unting simulan ang pagdaragdag ng kapasidad sa mga negosyo, transport, at iba pang sektor.

Related posts:

EKONOMIYA, MSMEs BABANGON SA E-COMMERCE MULING PAGBANGON NG EKONOMIYA NG FILIPINAS SA KABILA NG PANDEMYA MGA PROYEKTONG IMPRASTRAKTURA DAAN SA MABILIS NA PAGBANGON NG EKONOMIYA (Dahil sa kumpiyansa sa muling pagbubukas ng ekonomiya) FOREIGN INVESTMENTS BUMUHOS MULING PAGBUBUKAS NG EKONOMIYA SA GITNA NG PANDEMYA MAS MABILIS NA PAMAMAHAGI NG BAKUNA  PARA SA MULING PAGBUBUKAS NG EKONOMIYA (DOE pinakikilos) POWER OUTAGES MAKAAAPEKTO SA EKONOMIYA (Palasyo kumpiyansa) EKONOMIYA UNTI-UNTING NAKABABANGON