UMABOT na sa halos 69 milyon ang ang rehistradong botante sa bansa para sa 2025 National and Local Elections (NLE), gayundin sa Bangsamoro Autonomous Region of Muslim Mindanao (BARMM) parliamentary elections.
Sa datos ng Commission on Elections (Comelec), napag-alaman na hanggang nitong Oktubre 31, 2024 ay mayroon nang kabuuang 68,618,667 rehistradong botante ang Pilipinas.
Sa naturang bilang, 33,690,884 ang mga lalaking botante habang 34,927,783 naman ang kababaihan.
Ayon sa Comelec, pinakamaraming registered voters ay sa Region 4A (Calabarzon) na nasa 9,764,170.
Kasunod naman ang Region 3 (Central Luzon) na may 7,712,535 voters; National Capital Region na may 7,562,858; Region 7 (Central Visayas) na may 4,407,337; at Region 5 (Bicol Region) na may 4,066,662.
Sumunod ang Region 1 (Ilocos Region) na may 3,651,539; Region 11 (Davao Region) na may 3,386,929; Region 8 (Eastern Visayas) na may 3,264,935; Region 10 (Northern Mindanao) na may 3,197,586; Region 6 (Western Visayas) na may 3,145,219; at Negros Island Region (NIR) na may 3,069,836.
Sinundan ito ng Region 9 (Zamboanga Peninsula) na may 2,881,715; Region 12 (SOCCSKSARGEN) na may 2,709,058; BARMM with SGA na may 2,368,404; Region 2 (Cagayan Valley) na may 2,364,249; Region 4B (Calabarzon) na may 2,064,160; Region 13 (CARAGA) na may 1,889,616; at Cordillera Administrative Region (CAR) 1,111,859.
Kaugnay pa rito, inihayag ng Comelec na hanggang Setyembre 30, 2024, mayroong 532,837 applicant hits na natukoy sa pamamagitan ng Automated Fingerprint Identification System (AFIS).
Sinabi ni Comelec Chairman George Erwin Garcia na ang mga naturang kaso ay isasailalim sa ‘removal of double or multiple registrants per AFIS.
VERLIN RUIZ
Related posts:
2025 AUTOMATED MIDTERM ELECTIONS, NAMEMELIGRO?
(Sa May 2025 elections) BILANG NG MGA DI MAKABOBOTO NADAGDAGAN
PANUNTUNAN SA PAGGAMIT NG AI SA 2025 POLLS ILALABAS NA
500K KANDIDATO BUBUHOS SA FILING NG COC
AI HINDI IPAGBABAWAL SA ELECTION CAMPAIGN
COC ILALABAS NG COMELEC SA OKT 18
(Susungkitin ng mga kandidato) 18K ELECTIVE POSITIONS SA 2025
WILLIE ONG NAGHAIN NG COC SA PAGKASENADOR