MAGIGING huli na ang pagsabak ni Andy Murray sa Paris Olympics.
Ginawa ng three-time Grand Slam champion, na tinamaan ng injuries sa huling bahagi ng kanyang 19-year career, ang anunsiyo sa social media nitong Martes.
“Arrived in Paris for my last ever tennis tournament,” sabi ni Murray, 37.
“Competing for Team (Great Britain) have been by far the most memorable weeks of my career and I’m extremely proud to get to do it one final time!”
Ang anunsiyo ay inaasahan na. Makaraang sumailalim sa back procedure, si Murray ay umatras sa Wimbledon singles competition at naglaro sa doubles kasama ang kanyang kapatid na si Jamie. Ang mga Murray ay nasibak sa first round.
Si Murray ay nagwagi ng dalawang Wimbledon singles titles, U.S. Open at dalawang Olympic gold medals — 2012 at 2016 — sa gitna ng matinding kumpetisyon mula kina Roger Federer, Rafael Nadal at Novak Djokovic.
May mahaba siyang run sa World No. 1 mula November 2016 hanggang Agosto ng sumunod na taon. Nagretiro siya sa ATP Tour na may 46 career wins at $64.7 million na earnings.
Malalaman ni Murray ang kanyang first-round opponent sa Huwebes, kapag idinaos ang Olympic draw. Nakatakda rin siyang maglaro ng doubles katambal si Dan Evans.
Related posts:
2 PANG PINOY PASOK SA PARIS OLYMPICS
BACYADAN PASOK NA RIN SA PARIS OLYMPICS
OLYMPIC-BOUND PINOY ATHLETES TATANGGAP NG CASH INCENTIVES BAGO ANG PARIS GAMES
P2.5-M TARGET MALIKOM SA GOLF TOURNEY PARA SA PARIS-BOUND ATHLETES
PETECIO, PAALAM FLAG BEARERS NG PH SA 2024 PARIS OLYMPICS
PBBM MANGUNGUNA SA SEND OFF PARA SA TEAM PH SA PARIS OLYMPICS
GILAS SASALANG SA OQT TRAINING CAMP
3 PANG PINOY SWAK SA PARIS OLYMPICS