NORTH COTABATO- PATAY ang 24-anyos na pasahero habang lima ang nasugatan makaraang sumalpok ang pampasaherong van sa punong mangga sa gilid ng highway sa Purok 5, Barangay Lanao, Kidapawan City kahapon ng madaling araw.
Kinilala ang namatay na si Jorney Ligo Caro ng Brgy. Poblacion, bayan ng Kabacan, North Cotabato.
Naisugod naman sa ospital ang mga sugatang sina Julius Campos, Jomer Ligo Caro, Bheljun Fernando Lagmay, Dennis Denaga at ang driver na si Esmael Lagda Manansala, 36, pawang residente ng Kabacan, North Cotabato.
Ayon sa police report, patungong Cotabato area ang mga biktima nang mawalan ng kontrol sa manibela ang driver matapos itong biglang magpreno habang binabaybay ang tulay.
Tumilapon ang van saka sumalpok sa gilid ng highway bago bumangga sa punong mangga.
Agad na na-rescue ang mga biktima subalit hindi na umabot ng buhay sa pagamutan si Jorney.
Napag-alaman ng pulisya na lango sa alak ang biktima kabilang ang driver ng van. MHAR BASCO
Related posts:
PASAHERO DAGSA NA SA MGA PANTALAN
JEEP AT BUS NAGSALPUKAN, 1 PASAHERO MINALAS
BUS VS MOTOR MAG-AMAIN SAPOL
PICK-UP VS. TRIKE: PITO MINALAS
DALAWANG TAO SUGATAN SA KARAMBOLA NG PITONG SASAKYAN
AMA TIMBUWANG, ANAK SUGATAN SA VEHICULAR ACCIDENT
PASAHERO NAKAPKAPAN NG SHABU SA PIYER
2 MOTOR RIDERS NAPURUHAN SA DISGRASYA