ISABELA – PATAY ang isang taong gulang na batang babae nang mahulog sa irrigation canal malapit sa kanilang tahanan sa Namnama, Cabatuan.
Ayon sa Cabatuan PNP, patay sa pagkalunod ang biktima na kinilalang si Angel Faith Sinampaga.
Sa salaysay ng ina ng bata na si Lara May Sinampaga sa mga imbestigador na sandali niyang iniwan ang kanyang anak sa labas ng kanilang bahay na naglalaro upang magpakain ng kanilang baboy.
Subalit makalipas ang may isang oras ay hindi na niya makita ang anak ng kanya itong balikan.
Kahit taranta at kinakabahan ay hinanap ng ina ang anak hanggang sa matagpuang wala ng buhay at naka lutang sa irrigational canal malapit sa kanilang bahay.
Sinasabing tinangka pang i-revive ang katawan ng bata ngunit hindi na ito nagawang magkamalay . VERLIN RUIZ
