BULACAN- ISANG 8-anyos na batang lalaki ang nasawi habang mahigit sa anim bahay ang natupok sa isang compound nang sumiklab ang sunog sa Purok 5 Brgy, Look 1st sa Malolos City nitong Sabado ng gabi.
Sa report ni Provincial Disaster Risk Reduction and Management Office chief Ret. Col.Manny Lukban Jr., ganap na alas-11 gabi nitong Sabado Abril 20 nang mangyari ang sunog na umabot sa unang alarma.
Samantala nakilala naman ang biktima na si Haris Buesa na sinasabing na trap sa sunog.
Ayon sa Bureau of Fire Protection o (BFP) mabilis kumalat ang apoy dahil sa yari lamang sa light materials ang mga bahay na tinupok ng Apoy.
Agad naapula ang apoy sa tulong ng mga pamatay sunog ng Dapat Bayan Volunteers,PDRRMO, Malolos BFP, bayanihan at Moto Rescue.
Kaugnay nito, patuloy pang inaalam ng mga awtoridad kung ano at saan nagmula ang pagsiklab ng apoy habang inaalam pa ang kabuuang pinsala sa naturang sunog. THONY ARCENAL
