PATAY SA DENGVAXIA HIGIT 800 NA!

MASAlamin

ANG INAAKALA na­ting 87 na patay sa Dengvaxia ay nasa higit 800 na pala! Ang binabanggit lamang sa media na 87 na patay sa Dengvaxia ay yaong mga na-exhume at pinag-aaralan ang mga bangkay.

Ayon sa grupong Katipunan ng Demokratikong Pilipino, isang grupo ng mga negos­yanteng Filipino na may malasakit sa bansa, hindi pinalalabas ang nasabing balita, at bagkus ay tinatapalan ang mga pamil­yang biktima ng Dengvaxia sa pamamagitan ng pagbabayad sa pamilya ng namatayan kapa-lit ang pagpirma sa isang waiver.

Matindi ito, mga kamasa; parang may nilulutong cover-up.

Huwag sanang kalilimutan ang pananagutan ni dating pangulong Noynoy kasama ang mga miyembro ng kanyang Dengate Gang ukol sa malinaw na multi-bil­yong pisong scam at attempted genocide na ito.

Tunay naman ka­sing tumitining at lumi­linaw ang pananagutan ng gang ni Noynoy sa pagkakaineksiyon sa may 837,000 bata ng peligrosong Dengvaxia experimental vaccine na inisponsoran ng kanyang administrasyon.

Plunder at genocide talaga ang nararapat na kasong kinakaharap ng mga sangkot dito, at sana’y nag-iingay ang human rights group ukol dito.

Ayon sa imbestigasyon sa Senado: 1) alam na ng mga nagsabwatan  na may ebidensya na delikado ang Dengvaxia sa mga seronegatives o mga taong hindi pa nagkaka-dengue bago pa man pinilit na isyuhan ito ng Certificate of Product Registration ng Food and Drug Administration na kontrolado ni Garin, 2) ang Phase 3 trial ng Dengvaxia ay hindi pa tapos kung kaya’t malinaw na isinugal ang buhay ng ating mga kababayan para sa sariling kadahilanan ng gang ni Noynoy, 3) mahiwagang hindi lumalabas sa  local analysis ang mga ebidensya na nakasasama ito sa mga seronegative at 4) ang World Health Organization ay hindi dapat inirekomenda ang Dengvaxia maging sa mga lugar na may high prevalence ng dengue.

Inamin din ng kompanyang Sanofi, manufacturer ng Dengvaxia, bagama’t huli na, na nakasasama ang Dengvaxia para sa mga seronegative o mga taong hindi pa nagkakaroon ng dengue. Kaya sa pag-aming ito, ang lahat ng nagkakasakit at namatay na mga seronegative ay kagagawan ng Dengvaxia.

Sa mismong salita na lamang ng manufacturer ay swak na sa korte ang mga ito at ang kanilang mga kinasabwat sa pamahalaan upang mapadali ang pagtuturok nito sa mga batang Pinoy.

Sinabi na rin ng eks­pertong si Dr. Scott Halstead na napagsabihan na ang manufacturer ng Dengvaxia na maaaring magdala ng health disaster nito sa bansa ngunit itinuloy pa rin at nakamamangha ang dami ng mga pinagtuturukan.

Hindi lamang Sanofi ang binalaan ni Dr. Halstead kundi maging ang mga opisyal ng DOH noon ngunit binalewala lamang ang kanyang tinuran. Inilimbag din niya sa isang international na magazine na Vaccine ang kanyang scientific findings ukol sa panganib ng pagtuturok ng Dengvaxia sa mga seronegative indvidual pero dedma lang ang gang ni Noynoy.

Ngayon na sanda­makmak ang mga malulupit na lamok na dala ng mga pag-ulan, at sa sunod-sunod na mga bata ang nangamamatay ay ninenerbyos ang iba pang mahigit sa 800,000 na pamilya na pinagtuturukan ng Dengvaxia.

Ang hinihintay ng taumbayan ay ang pagpapanagot sa batas ng mga dapat managot mula sa pamahalaan at Sanofi, at bukod sa ibalik ang pondo ng pamahalaan ay bayaran ang mga danyos perwisyo na idinulot nito sa bawat apektadong pamilya na naulila at iba naman ay hindi mapagkatulog sa pag-aalala para sa kani-kanilang mga kaanak.

Comments are closed.