PATROLMAN PINAGBABARIL NG RIDING IN TANDEM

COTABATO CITY – DEAD on arrival sa pagamutan ang isang Philippine National Police (PNP) nang pagbabarilin ito ng hindi pa nakikilalang salarin noong Biyernes ng gabi sa lungsod  na ito.

Sa ulat bandang alas-6:10 ng gabi kamakalawa nang paslangin ng mga hindi pa nakikilalang suspek ang biktimang si Police Patrolman Franklin Moyet, residente ng Kalamansig Sultan Kudarat at nakatalaga sa City Mobile Force Company ng Cotabato City Police Office.

Ayon kay Police Colonel Michael Lebanan, hepe ng Cotabato City PNP, sakay ang biktima sa kanyang motorsiklo sa Dema-zenod Street, Barangay Rosary Heights 4 ,Cotabato City nang biglang sabatin ng dalawang armadong kalalakihan at ilang ulit na pinaputukan.

Lumitaw sa imbestigasyon na agad na tumakas ang mga suspek sakay ng motorsiklo nang matiyak na patay ang kanilang target.

Nagawa pang maitakbo si  Moyet sa Cotabato Regional and Medical Center (CRMC) ngunit idineklarang patay na nang idating dahil sa tinamong tama ng punglo sa kanyang ulo at dibdib. VERLIN RUIZ