MAYNILA -MAHIGIT 100 pang pasyente ang iniulat ng Department of Health (DOH) na gumaling na mula sa coronavirus disease 2019 (COVID-19) sa nakalipas na magdamag.
Batay sa datos mula sa NCoV tracker ng DOH, hanggang nitong Mayo 9 ay nakapagtala pa sila ng panibagong 108 recoveries kaya’t umakyat na sa 1,842 ang kabuuang bilang ng mga pasyente ng COVID-19 na gumaling na sa sakit.
Umakyat naman sa 10,610 ang kabuuang COVID-19 infections sa bansa, matapos na makapagtala pa ng panibagong 147 kaso.
Tumaas rin naman ang bilang ng COVID deaths sa bansa na nasa 704 na ngayon matapos na makapagtala pa ng walong binawian ng buhay sa sakit.
Kaugnay nito, mariin namang itinanggi ng DOH na may nagaganap na tingi-tingi o unti-unting pagpapalabas ng datos sa bilang ng COVID cases sa Research Institute for Tropical Medicine (RITM).
Ayon sa DOH, lahat ng resulta mula sa mga lisensiyadong laboratoryo sa bansa ay ipinapadala sa ahensiya at kaagad na isinasapubliko.
Anang DOH, walang anumang cover-up sa tunay na bilang ng COVID-19 sa bansa. ANA ROSARIO HERNANDEZ
Related posts:
(6,008 na naka-confine inaasahang gagaling) 30 PASYENTE NADAGDAG SA RECOVERIES NG COVID-19
(Sa loob lamang ng magdamag) 70 BAGONG RECOVERIES SA COVID-19
112 PASYENTE PANIBAGONG COVID-19 RECOVERIES
88 BAGONG RECOVERIES SA COVID-19
185K NA GUMALING SA COVID-19
400 BAGONG RECOVERIES SA COVID-19
100% COVID-19 RECOVERIES NAITALA SA PNPA
361,784 NA ANG TOTAL COVID-19 RECOVERIES
Comments are closed.