PAY HIKE SA NURSES PINURI

PINURI ni Senate Committee on Health Chairman Christopher ‘Bong’ Go  ang desisyon ng  Supreme Court para sa pagpapatupad ng dagdag sa minimum salary grade sa nurses sa mga government hospital matapos ang isang taon mula nang maging batas  ito.

Sinabi ni  Go na pinupuri rin niya ang Department of Budget and Management sa paglalabas ng  Circular no. 2020-4 na magpapatupad  ng section 32 ng Republic Act No. 9173  ng  Philippine Nursing  Act of 2002 na magpapatupad ng dagdag minimum monthly base pay ng mga entry-level nurses kung saan retroactive ito mula Enero 1 hanggang sa kasalukuyan.

Ayon kay Go, dalawang  dekada itong  laban ng mga nurses  na sa wakas ay maibibigay  na ang dapat  na para sa mga ito.

Ipinaliwanag  nito na ngayong nasa gitna ng pandemya ang bansa, dapat maibigay ang lahat ng tulong  sa mga healthworker bilang pagkilala sa kanilang mga dakilang sakripisyo para sa bayan at mga mamamayan.

Matatandaang isa si Go sa mga nakipaglaban  para sa inclusion  ng  dagdag na P3 billion sa miscellaneous personnel benefits  fund of 2020 budget  para mabigyan ng salary upgrade  ang mga government nurses sa 1 at 2 positions.

Iginiit ni Go na malaki ang diperensiya ng  suweldo ng mga nurse dito at sa abroad kaya naman nais niyang mapaangat ang  suweldo ng mga ito  sa bansa upang hindi na lumayo ang mga ito sa kanilang pamilya. VICKY CERVALES