SUMANDIG ang Limitless App kay Jorey Napoles upang makaulit sa TNT, 22-19, at pagharian ang Leg 5 ng PBA 3×3 Second Conference kagabi sa Araneta Coliseum.
Isinalpak ni Napoles ang back-to-back 2s na nagbigay sa Appmasters ng 20-18 kalamangan.
Makaraang makalapit ang TNT sa 20-19, naipasok ni Brandon Rosser ang game clincher at nakopo ng Limitless ang ikalawang leg title ngayong conference kontra TNT.
Samantala, sa unang pagkakataon ay nakamit ng tPlatinum Karaoke ang podiun finish ngayong conference sa pamamagitan ng dikit na 18-17 panalo laban sa Purefoods TJ Titans.
Ipinasok ni Chris Dechavez ang go-ahead basket para sa Platinum at nagmintis si Joseph Eriobu sa malayo para maitakas ang panalo.
Iskor:
Limitless (22) – Napoles 11, Rosser 5, Caduyac 4, Hayes 2.
TNT (19) – Vosotros 11, Flores 6, Javier 1, Gozum 1
