PBA BUBBLE SASAMBULAT NA

Gin Kings vs Road Warriors;

Tropang Giga vs Aces

Mga laro ngayon:

(Angeles University Foundation Gym )

4 p.m. – TNT vs Alaska

6:45 p.m. – Ginebra vs NLEX

DALAWANG pares ng kapana-panabik na laro ang matutunghayan sa restart ng PBA Season 45 Philippine Cup ngayon sa ilalim ng ‘new normal’ dulot ng COVID-19  pandemic.

Ang PBA ay magbabalik-aksiyon sa pamamagitan ng P65-million bubble play na idaraos para magbigay ng kasiyahan, inspirasyon at pag-asa sa gitna ng pandemya.

Magsasagupa ang TNT  Tropang Giga (dating TNT KaTropa) at Alaska Aces sa alas-4 ng hapon sa Angeles University Foundation Gym sa Angeles City na ilang minuto lamang ang layo sa Quest Hotel sa loob ng Clark Freeport Zone.

Susundan ito ng bakbakan ng Ginebra Gin Kings at NLEX Road Warriors sa alas-6:45 ng gabi.

Ang PBA Season 45 ay natigil dahil sa COVID-19 matapos ang season opener noong nakaraang Marso.  CLYDE MARIANO