PBA D-LEAGUE: SOLONG LIDER ANG VALENCIA-SSCR

INANGKIN ng Valencia City Bukidnon-SSCR ang solong liderato sa Foundation Group makaraang pataubin ang SMDC-NU, 82-73, sa 2019 PBA D-League kahapon sa Paco Arena sa Maynila.

Nag-init si RK Ilagan sa krusyal na sandali sa pagkamada ng 14 sa kanyang  30 points sa fourth quarter, na sinamahan ng 4 as-sists, 3 rebounds, at 3 steals.

Umangat ang Golden Harvest sa 3-0 kartada.

Todo puri naman si coach Egay Macaraya kay Ilagan.

“Wala ka nang mahihingi pa. Pagod na pagod na siya pero nandoon pa rin ‘yung effort niya,” ani coach Macaraya.

Kumana si Ilagan ng 6-of-11 mula sa 3-point area.

Ang kanyang buzzer-beating three-pointer sa pagtatapos ng third quarter ang nagbigay kay Ilagan ng ibayong kumpiyansa kung saan tatlo pang tres ang kanyang pinakawalan sa last quarter.

Nagdagdag si Allyn Bulanadi ng 14 points, 9 rebounds, 5 steals, at 4 assists para sa  Golden Harvest.

Nanguna si Dave Ildefonso parasa SMDC-NU na may 21 points, 6 assists, at 4 rebounds.

Iskor:

Valencia-SSCR (82) – Ilagan 30, Bulanadi 14, Bonleon 9, Calma 8, Are 7, Capobres 6, Dela Cruz 3, Villapando 3, Sumoda 2, Altamirano 0, Quiambao 0, Desoyo 0, Calahat 0.

SMDC-NU (73) – D. Ildefonso 21, Clemente 19, Gaye 10, Minerva 9, S. Ildefonso 5, Sistoza 2, Oczon 2, Diputado 2, Gallego 2, Galinato 1, Sinclair 0, Salim 0, Yu 0, Mangayao 0.

QS: 13-7, 36-22, 61-48, 82-73.