QUEZON CITY – ISANG ahente ng Philippine Drug Enforcement Agency (PDEA) ang nahuli sa aktong nagbebenta ng bawal na gamot sa lungsod na ito.
Ang PDEA agent na nakilala sa kanyang PDEA ID ay si Mario Luisito David Israel na naka-assign sa PDEA Region 4.
Ayon kay NCRPO Director, Dir. Guillermo Eleazar, nakatanggap ng sumbong ang Quezon City Police District na may naga-ganap na bentahan ng shabu sa Banawe at Del Monte sa Q.C.
Dito nila naaktuhan ang PDEA agent at kinakasama nito na nagbebenta ng bawal na gamot.
Nakuha sa suspek ang limang sachets ng umano’y shabu at isang baril din ang nakumpiska ng awtoridad.
Hawak na ngayon ng QCPD ang suspek at nakatakdang sampahan ng kaso. ROSE LARA
Comments are closed.