HINAMON ng National Press Club (NPC) ang Philippine Drug Enforcement Agency (PDEA) na pangalanan ang sinabing mga media-man na kabilang sa high value target sa ilegal na droga.
Kamakalawa ay inihayag ni PDEA Director General Aaron Aquino na ilang taga-media, artista, kongresista ang kasama sa HVT sa war on drugs ng gobyerno.
Hindi bilang user kundi bilang protektor ng sindikato droga ang sinasabing papel ng ilang malalaking pangalan sa media.
Ayon kay NPC President Rolly ‘Lakay’ Gonzalo, dapat ilabas ang pangalan ng mamamahayag na sinasabing listahan ng HVT.
Ayon kay Gonzalo, hangga’t hindi pinapangalanan ang mga media ay lahat ng miyembro ng media ay suspek.
Sakali naman na mapatunayan na sangkot sa ilegal na droga ang isang mamamahayag na miyembro ng NPC ay kanila itong tatanggalin.
Sinabi pa ni Gonzalo na mahalaga na malinis ang hanay ng media, hindi lamang sa NPC, kundi sa iba pang mga media company.
Nagsasagawa na rin ang NPC ng random drug testing sa kanilang mga miyembro upang matiyak na drug-free ang kanilang organisasyon.
Related posts:
PARAMETERS SA MEDIA INDUSTRY, IPINALALATAG
MEDIA BILANG PRIORITY SA COVID VAC SUPORTADO NG NPC
HOUSE PROBE SA PDEA-QC COPS MISENCOUNTER IPINAGPALIBAN
PDEA FOREST PARK, ACADEMY, ITATAYO SA TANAY, RIZAL
MEDIA, BAWAL PA SA MISMONG SONA
KARAHASAN VS MEDIA LABANAN
POLITICIANS NA SANGKOT SA KARAHASAN SA MEDIA, MANANAGOT-DILG
ADVOCATING FOR MEDIA SECURITY, BONG GO CONDEMNS DEATH OF JOURNALIST JUAN JUMALON AND CALLS FOR SWIFT JUSTICE
Comments are closed.