TINIYAK kahapon ng pamunuan ng Philippine Drug Enforcement Agency na hindi nila kukunsintihin ang kanilang mga tauhan na nahuling dumaan sa EDSA Busway kahapon.
Ayon kay PDEA Public Information Office chief, Director III Laurefel P. Gabales, “The Agency will not condone such action. An Internal investigation is underway, and rest assured that administrative sanctions awaits the violators.”
Nabatid na sinita at tinikitan ng Special Action and Intelligence Committee for Transportation (SAICT) ang isang sasakyan ng PDEA na dumaan sa EDSA Busway nitong Martes ng umaga.
Ayon sa report ng SAICT, natiketan din ang ka-convoy nitong motorsiklo na pag-aari rin ng PDEA bukod pa sa pekeng lisensya na dala ng driver at wala rin itong dalang rehistro ng sasakyan.
Aminado naman ang driver na dumaan sila sa busway dahil bahagi sila ng anti illegal drug operation subalit hindi tinanggap na sapat na dahilan ito ng Department of Transportation (DOTr) at SAICT.
Ipinasa na ng SAICT ang kaso sa Land Transportation Office (LTO) para mag-issue ng Show Cause Order at hingin ang paliwanag ng driver at mga kasamahan nito ukol sa nasabing paglabag.
VERLIN RUIZ
Related posts:
(Tiniyak ng LTO simula sa Hulyo) ZERO BACKLOG SA LICENSE CARDS, PLAKA
P11-M DROGA NASAMSAM SA 19 PARCELS SA WAREHOUSE NG NAIA
QC JAIL PERSONNEL, PDLs NEGATIBO SA SURPRISE DRUG TEST NG PDEA
(Sa ilalim ng admnistrasyong Marcos) P45.68-B DROGA NASAMSAM, 101,757 KATAO NASAKOTE NG PDEA
BUCOR OFFICER, 2 PA TIKLO SA P68-M ANTI-DRUG OPERATIONS
P56.5-M DROGA NAKUMPISKA NG PNP, PDEA AT BOC SA NAIA
DTI-PDEA SANIB-PUWERSA SA VAPE NA MAY DROGA
RED FLAG NG LTO VS FAKE AUTHORIZATION LETTER