PH EXPORTS SISIPA SA 2020

MAS maraming opportunities ang makakamit ng mga exporter ngayong 2020 dahil sa malakas na suporta mula sa gobyerno at pribadong sektor.

Ito ang napatunayan matapos na tumaas  ang Philippine exports of goods and services ng 5.1% year-on-year (YOY) sa US25.0B sa 3rd quarter ng 2019 base sa  Balance of Payment Manual 6 (BPM6) data mula sa  Bangko Sentral ng Pilipinas (BSP).

Ang ipinakitang paglago  ng export sa third quarter  ay pinagana ng 8.6% YOY increase sa service exports, na may halagang USD11.1B para sa quarter.

Tumaas din ang  pag-export ng mga kalakal at serbisyo ng 3.7%  sa USD70.4B mula Enero hanggang  Setyembre  2019.  Ang services exports ay tumaas ng 7.7% YTD  sa USD30.6B na pinagana ng double-digit increase ng mga pag-export   ng mga serbisyo  sa paglalakbay dahil    sa malaking  bilang ng pagdating ng mga turista. Bukod sa mga serbisyo sa paglalakbay, ang Information Technology at Business Process Management (IT-BPM) ay nag-ambag din sa magandang pagpapakita ng mga serbisyo.

Ang pagpapadala ng electronics products, mga saging, forestry and mineral products  ay nakapag-ambag ng  bahagyang pagtaas  sa  exports ng mga kalakal.

“We follow the targets of the Philippine Export Development Plan (PEDP) with strong support and commitment across major industries. We remain positive on the opportunities for 2020 as we in the Trade Promotions Group of the DTI continue to pursue the strategies for export growth. Currently, we have electronics, food and beverages, IT-BPM and business services, creative industries, lifestyle and wearables, and Halal as among the priority sectors for export promotion driven by global demand,” pahayag ni Undersecretary for TPG Abdulgani M. Macatoman.

Binigyang-diin ni Macatoman na sa ilalim ng PEDP 2018 -2022,  ang kabuuang objective ay makamit ang   USD122B-USD130.8B  sa 2022. Para ito makuha ay itinutulak ng DTI  ang pagsasaayos sa lahat ng kinakailangan para sa  pag-export at maging ang  mabilis  na  proseso ng pagnenegosyo.

“As part of the comprehensive package of support for Philippine exporters, we have initiatives to elevate the capacity of exporters across priority sectors and in parallel, we have identified priority markets for export promotion both for inbound and outbound opportunities,” dagdag ni  Macatoman.

Kabilang sa mga lugar na planong bisitahin ng TPG sa susunod na taon  para sa outbound business matching missions (OBMMs), sa pamamagitan ng  Export Marketing Bureau, Center for International Trade Expositions and Missions (CITEM), Foreign Trade Service Corps (FTSC), at iba pang collaborators  mula sa ibang  DTI units at mga pribadong sektor  na kinabibilangan ng  traditional and non-traditional markets ay ang Europe, Canada, at East Asia  para sa  pagsusulong ng Creative Services;  Europe at East Asia para sa promosyon ng Green Business; Asso­ciation of Southeast Asian Nations ­(ASEAN), Gulf Cooperation Council (GCC), Turkey, Egypt, China, at Iran para sa Halal Products and Services; ASEAN, East Asia,  Europe para sa Lifestyle Sector; East Asia, Southeast Asia, Europe, USA, at  Middle East para sa Food Sector; at Russia, Mexico at Africa para sa Fast Moving Goods.