PH-US BALIKATAN 2018

NAGING maayos ang pagbubukas ng ika-34 na Balikatan (BK) 2018 joint military exercises ng Pilipinas at Estados Unidos sa Naval Educa­tion Training Command sa San Antonio, Zam­bales.

Ang problema nga lang, hindi tulad ng iba pang mga bansa sa Asya, tinututulan ng ilang sek­tor ang ating Balikatan.

Nangangamba raw ang ilan nating mga kaba­bayan na baka magdulot ng hindi maganda ang aktibidad at pagpunta ng mga dayuhan sa ating bansa.

Baka raw lumaga­nap ang prostitusyon sa pagdami ng mga Kano, bukod pa sa takot na tumaas ang bilang ng mga tinatamaan ng na­kamamatay na sakit na Human Immunodefi­ciency Virus Infection/ Acquired Immune Defi­ciency Syndrome (HIV/ AIDS).

Sabagay, hindi rin natin masisisi ang ating mga kababayan na ma­takot dahil baka nga naman maulit ang ilang insidente ng panghaha­lay ng ilang sundalong Amerikano sa ating mga kababayan.

Maaari ring maipit ang mga sibilyan sakaling magkaroon ng matinding labanan ang mga sundalo at mga rebelde sa pagdagsa ng mga dayuhang sundalo.

Gayunman, masasa­bing ‘isolated case’ la­mang ang ilang iniulat na pang-aabuso sa mga Pinay sa kamay ng mga banyaga.

Dapat nating isipin ang magandang maidudulot ng Balikatan na nagla­layong mapabuti ang hukbong sandatahan ng bawat bansa.

Noong 1951 pa sinimulang isagawa sa ban­sa ang Balikatan, sang-ayon na rin sa Mutual Defense Treaty sa pagi­tan ng dalawang nasyon.

Isinasagawa ang Ba­likatan Exercises ng mga magkakamping hukbo na ang ibig sabi­hin ay magkabalikat o ‘shoulder-to-shoulder’ upang makamit ang katiwasayan at katata­gang panseguridad at ang kahandaang tumu­gon sa anumang krisis o kalamidad na nag­dudulot ng panganib at ligalig sa mamamayang Pilipino.

Ang amphibious landing exercise ay umarangkada na nitong Huwebes sa Zambales habang idaraos naman ang Combined Arms Live Fire Exercise sa Colonel Ernesto Rabina Air Base o Crow Valley sa Tarlac sa Mayo 15. Sa mga nakaraang Balika­tan Exercises, palaging iniimbitahan ang mga kagawad ng media para i-cover ang event pero pinagbabawalan na ang mga mamamahayag na gawin muli ito sa event ngayon na sinasalihan ng tinatayang 8,000 tropa ng Armed Forces of the Philippines (AFP) at ng United States Pa­cific Command (USPA­COM).

Ngunit tandaan na idi­naraos ang Balikatan bi­lang paghahanda sa anu­mang pagtugon sa mga krisis bunsod ng mga kalamidad at iba pang isyung panseguridad na napakahalagang aspeto ng kooperasyon.

Nauunawaan natin ang AFP kung bakit hindi na pinapayagan ang media na sumilip sa buong pangyayari dahil baka nga naman mapanood ng mga kalaban ang kanilang paghahanda at isa marahil sa mga rason diyan ay ang umiinit na sigalot ng mga bansa sa West Philippine Sea (WPS).

o0o

Si Alex Santos ay broadcaster sa mga programa ng DWIZ 882 tulad ng Ratsada Balita tuwing alas-6 ng umaga; IZ Balita Nationwide Pang-umagang edisyon (7am-8am) at kasalukuyang host ng public service program sa PTV 4, ang KILOS PRONTO, tuwing alas 4 y medya hanggang alas-5 y medya ng hapon, Lunes hanggang Biyernes. Mapapanood ninyo rin ako sa PTV SENTRO BALITA araw-araw sa ala-1 ng hapon. Ipadala ang inyong komento at reaksiyon sa lupaxsantos1@yahoo.com o puwede ninyo akong i-follow sa twitter account @iamalexsantos​.