ISABELA- ISA ang patay habang dalawa ang sugatan nang magsalpukan ang isang pick up at isang ten wheeler truck.
Kinilala ng Cordon PNP ang biktima na si Lord Andrew Erfe na taga Cauayan, Isabela at driver ng strada pick na may plaka DAL- 2004 habang sugatan naman sina Rocky Batungbakal, taga Jones, Isabela; Christopher Cristola na taga Reyna Mercedes, Isabela at Brenzin Jann Salvador Perocho na taga Jones isabela at pawang mga nasa tamang edad.
Kinilala ang suspek na si Daniel Serrano y Cesaldo, 59-anyos may asawa ng Bulihan, Rosario, Batangas at driver ng 10-wheeler truck.
Sa pagsisiyasat ng PNP ay mabilis ang patakbo ng pick up sa pakurbang daan dahilan upang salpukin ang nakasalubong na truck galing sa kabilang direksyon.
Nabatid na galing ang mga biktima sa Ifugao upang magbigay ng relief goods.
Agad naman isinugod ng mga rescue team ang mga biktima upang malapatan ng lunas.
IRENE GONZALES
